Маскат, 2025 жылғы 2-4 желтоқсан – Қазақстан Республикасы мен Оман Сұлтандығы арасындағы үкіметаралық комиссияның бірінші отырысы өтті, онда тараптар сауда-экономикалық, мәдени және гуманитарлық салалардағы екіжақты ынтымақтастықты нығайтуды жалғастыру ниетін растады.

Іс-шараны Қазақстан Республикасы Сыртқы істер министрінің орынбасары Әлібек Қуантыров және Оман Сұлтандығы Сыртқы істер министрінің орынбасары Халифа Әл-Хариси төрағалық етті.


«Қазақстан Ғарыш Сапары» ҰК» АҚ басқарма төрағасы Қ.Е. Қожаев кездесуге қатысып, ағымдағы жобаларды, халықаралық ынтымақтастықтың перспективаларын талқылады және Оманнан келген серіктестермен өзара іс-қимылды кеңейтуге дайын екенін білдірді.