2026 жылғы 7–9 қыркүйек аралығында Астана қаласында Space Days Kazakhstan 2026 халықаралық форумы өтеді. Бұл – заманауи ғарыштық технологияларды, халықаралық ынтымақтастықты және инновациялық шешімдерді талқылауға арналған Орталық Азиядағы ең ірі алаң.

Форумға әлемнің 50-ден астам елінен шамамен 900 қатысушы, оның ішінде мемлекеттік органдардың, ғарыш агенттіктерінің, халықаралық ұйымдардың, бизнес, ғылым және әлемдік жетекші ғарыш компанияларының өкілдері қатысады.

Форум аясында спутниктік технологиялар, Жерді қашықтықтан зондтау, геоақпараттық сервистер, жасанды интеллект, ғарыштық байланыс және халықаралық әріптестікті дамыту мәселелері талқыланады.

Бағдарлама аясында пленарлық отырыстар, панельдік пікірталастар, B2B және B2G кездесулері, инновациялық әзірлемелер көрмесі және перспективалы жобалардың таныстырылымдары өтеді.

Форум Астана қаласындағы Назарбаев Университетінің алаңында өтеді. Кіру Тұран даңғылы жағынан жүзеге асырылады.

Толық бағдарлама мен қатысушыларды тіркеу Space Days Kazakhstan форумының ресми сайтында қолжетімді.

БАҚ өкілдерін аккредиттеу ресми сайтта қолжетімді: https://spacedays.kz/ru/reg-media

БАҚ өкілдері үшін байланыс нөмірі:

Саят Жусупов +7 778 734 40 12