ҚР ТЖМ үшін орман өрттерінің ғарыштық мониторингі қалай жұмыс істейді?

13.02.2024 ж. - "Қазақстан Ғарыш Сапары" ҰК " АҚ жергілікті және орталық мемлекеттік органдарға отандық және шетелдік операторлардың деректерін (жалпыға қолжетімді және коммерциялық деректерді қоса алғанда), Жерді қашықтықтан зондтау деректерін әртүрлі көздерден талдау нәтижелеріне орталықтандырылған қолжетімділікті қамтамасыз ете отырып, төтенше жағдайлардың ғарыштық мониторингі қызметтерін ұсынады, өйткені Қазақстан аумағын күн сайын тек 2 спутникпен қамту мүмкін емес.

Айта кету керек, NASA-дан ықтимал өрт ошақтары туралы ақысыз мәліметтер бүкіл әлемде кеңінен қолданылады.

"Қазақстан Ғарыш Сапары "ҰК" АҚ жұмысы өртенген алаңдарды картаға түсіре отырып, жоғары және орта ажыратымдылықтағы ЖҚЗ деректерін өңдеу, талдау және беру үшін салалық геосервисті, цифрлық құралдардың көмегімен жағдайды бағалау функцияларын әзірлеу болып табылады. Сондай-ақ, кеңістіктік талдау үшін өрт сөндіру бөлімдері, су айдындары, су алуға арналған пирстер, жол желісі, метеодеректер және жағдайды жедел бағалау үшін қажетті басқа да мәліметтер туралы деректер базасы қосымша жүктеледі.

Ғарыштық суреттерді тақырыптық өңдеу және түсіндіру, геосервистерді сүйемелдеу және ТЖ органдарын консультациялауды қазақстандық мамандар - біздің көп жылдық тәжірибесі бар инженерлер қамтамасыз етеді.

Мысалы, өрт қауіпті кезеңінде "Қазақстан Ғарыш Сапары "ҰК" АҚ инженерлері ҚР ТЖМ дағдарыс жағдайларында басқару орталығының қызметкерлерімен бірлесіп, оларға ЖҚЗ геосервистері мен технологияларының мүмкіндіктерін тиімді пайдалануға көмектеседі.

"Семей орманы" резерватындағы ірі орман өрті фактісі бойынша қызметтік тергеудің (уәкілетті мемлекеттік органдардың) қорытындылары бойынша ғарыштық мониторинг нәтижелері жергілікті жерде толық расталды және өртенген аумақтың ауданын есептеу кезінде неғұрлым сенімді ақпарат ретінде тергеу материалдарында пайдаланылды (ақпарат үшін ауданы 63,3 мың га құрады).

Айта кетейік, "Қазақстан Ғарыш Сапары "ҰК" АҚ өзінің жеке ғарыштық түсірілімдерімен қатар өз жұмысында шетелдік серіктестердің, соның ішінде Maxar және Planet деректерін пайдаланады. Бұл тәжірибе әртүрлі салаларда, соның ішінде экология, ауыл шаруашылығы және т. б. талдау үшін бірдей түсірілімдерді/деректерді қайталап пайдалануға мүмкіндік береді.

«Қазақстан Ғарыш Сапары» ҰК»АҚ
баспасөз қызметі